العملة المعدنية

فجأة في يوم وليلة
دخلت العملة المعدنية علينا
من غير احم ولا دستور
قالت انا عملة الجمهور
سالنا فين العملة الورقية ؟
ضحكت وقالت عملوها طاقية
رفضنا وقولنالها لأ
قالت الغلط مش عليكو
الغلط علي عملني عملة متداولة
وخلاكو عاملتوني علي اني دولة جوه الدولة
كأني غزو جاي عليكوا
ولازم تصدوه بكل مافيكوا
كان لازم يوعوكوا من الأساس
قبل ما الفاس تقع في الراس
كان لازم يقولوا اني عملة تكميلية
والورق عملة اساسية
بس الورق صحته تعبانه
لكن انا عندي صحة ومتانة
يمكن في يوم انا وانتوا نتصالح
واهي الحياه كلها مصالح
أهو واقع ومفروض عليكوا
وربنا يخلي اللي فرضني عليكوا

مع تحيات العملة المعدنية

جميل جدا جدا جدا يابالمر

ده كان اهداء خاص ليك يا بيبو ويا رب يكون عجبك فعلا

عجبنى جدا جدا

تحفه يابالمر انتى دايما معودانا عالابداع ده ننتظر ابداعاتك

ربنا يخيليكي يانوران

» صور الدولار الامريكي الجديد قبل نزوله سوق العملة الجديدة